Aknefug Oxid Wash - третман против акни

Побарајте во аптека

Лекот Aknefug Oxid Wash ја содржи активната супстанција бензоил пероксид, која спаѓа во групата на лекови против акни и е наменет за употреба на кожата и третман на благи до умерени форми на акни на лицето, грбот и деколтето.

Третманот за акни бара посебен пристап и може да потрае неколку месеци, но со следење на советите на дерматолог и користење на адекватна терапија, можете да имате чиста кожа без акни.

Како Aknefug Oxid Wash делува на акните и на Вашата кожа?

Во 60% од случаите на третман на акни, локалната терапија, како што е Aknefug Oxid Wash, е доволна.

Со употрба на Aknefug Oxid Wash:Активноста на лојните жлезди се намалува (за време на пубертетот лојните жлезди лачат повеќе маснотии (лој), затоа и појавата на акните е најчеста за време на пубертетот).

Нарушувањето на кератинизацијата е намалено - природно клетките од подлабоките слоеви на епидермисот мигрираат на површината на кожата, каде што формираат заштитен слој од мртвите клетки.
Нарушувањето на кератинизацијата е намалено - природно клетките од подлабоките слоеви на епидермисот мигрираат на површината на кожата, каде што формираат заштитен слој од мртвите клетки. Овој слој служи како бариера која ја штити кожата од надворешни фактори (прашина, нечистотија и сл.), го спречува губењето на вода и го штити телото од микроорганизми. Сепак, прекумерната кератинизација доведува до акумулација на мртви клетки во порите и нивно блокирање.
Се намалува размножувањето на главните причинители за појава на акни.
Кога се нанесува на кожата, Aknefug ослободува кислород кој го намалува бројот на штетни бактерии во лојните жлезди. Toа значи дека бактериите кои претпочитаат средина без кислород (како Cutibacterium acnes, кои се поврзани со појавата на акни) ќе имаат помали шанси да се размножат.
Ги ублажува знаците на воспаление како црвенило.

Како се употребува Aknefug Oxid Wash ?

Доколку употребуваш Aknefug Oxid Wash, важно е правилно да го нанесуваш за да постигнеш најдобри резултати.

Употребата на Aknefug е едноставна.

Како се нанесува?

Возрасни и тинејџери (12+ години) го употребуваат 2 пати дневно – наутро и навечер.

Прво намокри го лицето со млака вода.

Истиснете 2-3 пати од суспензијата на врвовите на прстите и нежно втријте ја во кожата.

Оставете да делува околу 2 минути, а потоа добро исплакнете со вода.

Смеам ли да користам Aknefug Oxid Wash ако имам чувствителна кожа?

Користете го секој втор ден во првите две недели, а потоа преминете на секојдневна апликација.

Може да забележите мало црвенило или лупење - ова е нормално и значи дека третманот делува.

Колку долго трае Acnefug третманот за лечење на акни?

Потребни се 4 до 12 недели за видливи резултати.

Акните може да бараат долгорочен третман, но со трпение и упорност, Вашата кожа може да стане чиста и здрава! Затоа е многу важно да се користи Acnefug додека симптомите на воспаление целосно не исчезнат.

Каде да го чувате пакувањето Aknefug?

Пред отворање: ставете го во фрижидер за да се зачува неговата стабилност.

По отворањето: на собна температура, но сепак чувајте го Acnefug на суво и темно место.

Дали за Aknefug Oxid Wash е потребен рецепт?

Не, Aknefug Oxid Wash е лек без рецепт, затоа не Ви е потребен рецепт. Сепак, третманот за акни е сериозен третман, па затоа е важно да се консултирате со дерматолог или фармацевт пред употреба.

Упатство за производот.

УПАТСТВО ЗА ЛЕКОТ

Aknefug® Oxid Wash, 4 %, суспензија за кожа

benzoil-peroksid

Внимателно прочитајте го ова упатство пред да започнете со употреба на овој лек бидејќи содржи важни информации за Вас.

Секогаш употребувајте го овој лек точно како што е опишано во ова упатство или како што Ви кажал вашиот лекар или фармацевт.

Зачувајте го упатството. Можеби ќе треба да го прочитате повторно.
Доколку имате дополнителни прашања или Ви треба совет, Ве молиме контактирајте го Вашиот фармацевт.
Доколку добиете какви било несакани ефекти, разговарајте со Вашиот лекар, фармацевт или медицинска сестра. Ова ги вклучува сите несакани ефекти кои не се наведени во ова упатство. Видете дел 4.
Доколку не се чувствувате подобро или се чувствувате полошо по 7 дена, мора да се јавите кај Вашиот лекар.

Во ова упатство ќе прочитате:

Што е Aknefug Oxid Wash и за што се употребува?
Што треба да знаете пред да го користите Aknefug Oxid Wash
Како се употребува Aknefug Oxid Wash
Можни несакани ефекти на лекот
Како се чува Aknefug Oxid Wash
Содржина на пакувањето и други информации

Што е Aknefug Oxid Wash и за што се употребува?

Лекот Aknefug Oxid Wash ја содржи активната супстанција бензоил пероксид, која спаѓа во групата на лекови против акни и е наменета за употреба на кожа.

Лекот Aknefug Oxid Wash е суспензија наменета за третман на благи и умерени форми на акни (acne vulgaris).

Доколку не се чувствувате подобро или се чувствувате полошо по 7 дена, мора да се јавите кај Вашиот лекар.

2.Што треба да знаете пред да го користите Aknefug Oxid Wash

Предупредете го Вашиот лекар ако земате други лекови, имате хронично заболување, метаболичко нарушување, сте преосетливи на лекови или сте имале алергиски реакции на некој од нив.

Не треба да го користите лекот Aknefug Oxid Wash:

доколку сте алергични (преосетливи) на бензоил пероксид или на која било од другите состојки на овој лек (наведени во дел 6).

на слузокожата, на областите околу очите, носот или устата или на оштетена кожа.

Предупредувања и мерки на претпазливост:

Разговарајте со својот лекар или фармацевт пред да го користите Aknefug Oxid Wash.

Бидете посебно внимателни:

спречете случаен контакт со очите, бидејќи тоа може да предизвика црвенило и печење. Во овој случај, окото/очите треба да се исплакнат темелно со проточна вода,
за време на употребата на Aknefug Oxid Wash, реакцијата на УВ зрачењето може да се зголеми, што може да доведе до проблеми како што е поголема склоност кон изгореници од сонце. За време на третманот со овој лек, препорачливо е да се избегнува сончање (УВ зрачење) и користење солариум,
спречете контакт на Aknefug Oxid Wash со коса или обоени ткаенини (на пр. постелнина, крпи, облека) преку раце или третирана кожа, бидејќи тоа може да предизвика нивно избелување или обезбојување,
ако имате сува кожа или кожа со нарушена регулација на себум (намалена секреција на себум).

Други лекови и лекот Aknefug Oxid Wash

Известете го Вашиот лекар или фармацевт доколку применувате, сте применувале во блиско минато или ќе применувате било кои други лекови.

Неопходно е да се избегнува истовремена употреба на други лекови за локална употреба на кожата (на пример, масти, креми и други производи за локална употреба на кожата кои можат да предизвикаат иритација на кожата), бидејќи иритацијата на кожата може да се влоши.

Бременост, доење и плодност

Доколку сте бремени или доите, мислите дека можеби сте бремена или планирате да забремените, прашајте го Вашиот лекар или фармацевт за совет пред да го земете овој лек.

За време на бременост и доење, Aknefug Oxid Wash треба да се користи само по консултација со лекар.

Не е познато дали активната супстанција (бензоил пероксид) се излачува во мајчиното млеко по нанесување на кожата.

Возење и ракување со машини

Не се потребни посебни мерки на претпазливост.

3. Како се употребува лекот Aknefug Oxid Wash

Секогаш употребувајте го овој лек точно како што е опишано во ова упатство или како што Ви кажал Вашиот лекар или фармацевт. Ако не сте сигурни, проверете кај Вашиот лекар или фармацевт.

Дозирање:

Возрасни и адолесценти (12 години и постари)

Лекот Aknefug Oxid Wash е наменет за возрасни и деца над 12 години.

Лекот Aknefug Oxid Wash се нанесува два пати на ден во тенок слој на претходно навлажнети места на кожата, освен ако поинаку не е пропишано од лекар. За кожата на лицето, количината на суспензија што се ослободува од цевката со 2 до 3 стискања е доволна.

Меѓутоа, ако имате особено чувствителна кожа, користете Aknefug Oxid Wash секој втор ден во текот на првата недела, а потоа продолжете еднаш дневно. Лекот се применува непрекинато додека не се повлечат знаците на воспаление, што во просек трае од 4 до 12 недели.

Начин на примена:

За нанесување на кожа (дермална употреба).

Кога употребувате Aknefug Oxid Wash, придржувајте се до следново:

Секогаш отстранувајте ја целата шминка од Вашето лице пред нанесувањето.
Намачкајте ги погодените области на кожата со вода.
Ставете мала количина Aknefug Oxid Wash на врвовите на прстите, а потоа нежно втријте на навлажнета површина на кожата.
По нанесувањето, оставете го на кожата две минути, по што добиената пена се мие од кожата со многу вода.
Забелешка: Не користете обоени крпи кога ќе ја сушите кожата бидејќи тоа може да ја избели ткаенината.
Измијте ги рацете по нанесувањето на Aknefug Oxid Wash, кожна суспензија.

Доколку сте употребиле повеќе Aknefug Oxid Wash отколку што треба

Доколку Aknefug Oxid Wash се нанесува на кожата повеќе пати или во подебел слој, иритациите на кожата опишани во делот 4.Можни несакани ефекти може да се зголемат. Во тој случај, неопходно е да се намали зачестеноста на апликацијата или количината на применетиот лек (вишокот на лек може да се отстрани со хартиен бришач или со испирање со вода).

Доколку Вие или некој друг случајно го проголта/те Aknefug Oxid Wash, активната состојка бензоил пероксид може да предизвика гадење, повраќање, иритација на хранопроводникот или стомачна болка. Во овој случај, веднаш контактирајте со лекар.

Доколку сте заборавиле да го употребите лекот Acnefug Oxide Vash

Не земајте двојна доза за да ја надоместите пропуштената доза!
Треба да го продолжите третманот според упатствата за дозирање.

Ако одеднаш престанете да го користите Aknefug Oxid Wash

Ако престанете да го употребувате Aknefug Oxid Wash привремено или подолг период, разговарајте со Вашиот лекар или фармацевт што да правите следно, за во двата случаи да не го загрозите успехот на третманот.

Ако имате дополнителни прашања во врска со употребата на овој лек, прашајте го Вашиот лекар или фармацевт.

4. Можни несакани дејства

Како и сите лекови, така и овој лек може да предизвика несакани ефекти, иако не ги добиваат сите кои го употребуваат.

Ако забележите некој од несаканите ефекти наведени подолу, престанете да го користите Aknefug Oxid Wash и веднаш контактирајте со Вашиот лекар:

Невообичаени несакани ефекти (може да се појават во 1 од 100 луѓе кои го употребуваат лекот):

За време на првичното нанесување на Aknefug Oxid Wash, може да се појави чувство на напнатост на кожата (затегнување на кожата) како резултат на зголемена дехидрација, лупење, печење, чешање, како и благо црвенило на кожата.

Ова се знаци дека лекот почнал да делува. Меѓутоа, ако овие симптоми перзистираат подолго од една недела или се појави неочекувана тешка реакција на кожата, неопходно е да се прекине со употребата на лекот и да се консултира лекар.

Ретки несакани ефекти (може да се појават до 1 од 1.000 пациенти кои го земаат лекот):

Бензоил пероксид или некои од помошните супстанци на лекот Aknefug Oxid Wash може да предизвикаат реакции на преосетливост (алергиски реакции) на кожата, вклучително и појава на задоцнета реакција на хиперсензитивност. Ова може да се манифестира како контактна алергиска реакција со црвенило и меурчиња или како псевдоалергиска реакција со црвенило. Во такви случаи, лекот треба да се прекине.

Пријавување на несакани реакции

Доколку почувствувате било какви несакани реакции, треба да го известите Вашиот лекар, фармацевт или медицинска сестра. Ова ги вклучува сите можни несакани ефекти кои не се наведени во ова упатство. Со пријавување на несакани ефекти, можете да помогнете во проценката на безбедноста на овој лек. Сомнителните несакани реакции може да ги пријавите до Агенцијата за лекови и медицински средства на Република С. Македонија (МАЛМЕД) :

Агенција за лекови и медицински средства
ул. Св. Кирил и Методиј, бр.54, 1000 Скопје, Р.С. Македонија

телефон: +389 2 5112 394

е-пошта: info@malmed.gov.mk

веб-страна: https://malmed.gov.mk/

5. Како да го чувате лекот Aknefug Oxid Wash

Чувајте го лекот подалеку од видик и дофат на деца.

Не користете Aknefug Oxid Wash по датумот на истекување кој е наведен на надворешното пакување по „Датум на истекување“. Датумот на истекување на рокот се однесува на последниот ден од тој месец.

Да се чува во фрижидер (на температура од 2°C до 8°C).

Рок на употреба по првото отворање на тубата: 6 месеци, на температура до 25°C.

6. Содржина на пакувањето и други информации

Што содржи Aknefug Oxid Wash?

Активната супстанција е: бензоил пероксид.

100 g суспензија за кожа содржи 5,33 g бензоил пероксид, со вода (еквивалентно на 4 g бензоил пероксид).

Помошни состојки се: макрогол-3-дистеарат, натриум лаурилетер сулфат, карбомер 980, натриум хидроксид, динатриум едетат, прочистена вода.

Како изгледа Aknefug Oxid Wash и содржината на пакувањето

Суспензија за кожата.

Хомогена вискозна суспензија, бела по боја, со карактеристичен мирис.

Внатрешната амбалажа е туба (HDPE), која е затворена со полипропиленско завртувачко капаче.

Надворешното пакување е преклоплива картонска кутија која содржи туба со 100 g кожна суспензија и упатство за лекот.

Увозник и дистрибутер: СЕПТИМА ДООЕЛ Скопје

Застапник: Салвео Д.О.О.Е.Л. Скопје, Васил Ѓоргов 19/2-26, Центар

Производител: Dr. August Wolff GmbH & Co. KG Arzneimittel,
Sudbrackstrasse 56, Bielefeld, Германија

Режим на издавање на лекот

Лекот се издава без лекарски рецепт.

Прашајте нѐ

Доколку имате прашања за нашите производи слободно исконтактирајте нѐ. Со задоволство ќе одговориме на Вашето барање.

expand_circle_right Поставете прашање.