Како масните киселини влијаат на учењето и моторичките способности на децата

Како се поврзани храната и учењето?

Кога зборуваме за успешно учење и развој на когнитивните и моторичките вештини кај децата, како и за вниманието, концентрацијата и способноста за фокусирање на одредени интелектуални и други задачи, најчесто се повикуваме на генетиката, интелигенцијата, карактерот и психолошките фактори.

Меѓутоа, често занемаруваме еден многу важен фактор за правилен развој и функционирање на мозокот и нервниот систем кај децата и возрасните, а тоа е исхраната.

Покрај водата и здравите шеќери (во овошјето), хранливи материи како што се масните киселини, магнезиумот и цинкот се неопходни за успешни процеси на учење, меморија, концентрација, моторика и психолошка стабилност.

Овие хранливи материи можеме да ги добиеме во најголема мера преку месо и риба, растителни масла, семиња, интегрални житарици, зеленчук и суво овошје.

Со оглед на современиот начин на живот, особено во урбаните средини, намирниците кои ни се најчесто достапни и најпрактични за конзумација не се секогаш доволно богати со потребните хранливи материи.

Поради успешното функционирање во секојдневниот живот и олеснувањето на тешкотиите поврзани со учењето, вниманието и концентрацијата, корисно е да се внесуваат хранливи материи преку додатоци во исхраната.

Што доколку не внесуваме доволно хранливи материи?

Недостатокот на важни хранливи материи за мозокот, нервниот систем и метаболичките процеси не влијае само на способноста за учење и концентрацијата. Имено, последиците од недоволниот внес на хранливи материи можат да бидат посериозни и да доведат до проблеми со срцето, воспалителни процеси, а се поврзуваат и со развојни нарушувања како АДХД, дислексија, диспраксија и аутистични нарушувања.

Исто така, тешкото учење и послабата концентрација во детството доведува до заостанување зад врсниците, што покрај помал успех во понатамошното образование, може да доведе и до недостаток на самодоверба, што влијае на психолошкото здравје на детето.

Моќта на масните киселини -

ИСТРАЖУВАЊЕ

Едно од развојните нарушувања што ги погодува околу 5% од децата на рана училишна возраст е диспраксија или DCD (Developmental coordination disorder - Развојно нарушување на координацијата).

Ова нарушување се манифестира со послаби моторни вештини, отежнато учење и изразени проблеми при читање и пишување. Симптомите на ова нарушување често се поврзани и имаат поврзани симптоми со дислексијата и АДХД.

Со цел да се тестира влијанието на есенцијалните масни киселини (омега 3 и омега 6), беше спроведено истражување* на 117 деца на возраст од 5 до 12 години.

Децата во текот на три месеци конзумирале додаток на храна со висока содржина на масни киселини во составот, додека во исто време друга група конзумирала плацебо терапија.

По три месеци, групата деца кои го конзумирале додатокот во исхраната со масни киселини покажале значителен развојен напредок, особено видлив при читање, пишување и приспособување на работната средина со врсниците.

Подетално, децата покажале три пати побрз напредок во читањето и двојно побрз напредок во пишувањето во споредба со другата група која примала плацебо терапија. Дополнително, напредокот продолжил и во периодот по тримесечно често внесување на додатоци во исхраната.

Еден од најдобрите примери за резултатите е развојот на ракопис кај момче кое учествувало во истражувањето и го земало горенаведениот додаток во исхраната.

Како што e сликовито прикажано на примерот, напредокот на ракописот на момчето по само три месеци е навистина импресивен.
Моторните проблеми, како и тешкотиите со читањето, пишувањето, учењето и концентрацијата, е важно да се препознаат и искоренат на рана возраст.

 Заостатокот од детството потешко се надоместува во подоцнежниот живот и последователно доведува до неуспех и во образованието и во кариерата.

За секој човек да го искористи својот потенцијал во најголема можна мера, потребно е да се грижи за правилен внес на важни хранливи материи.

Препорачаната дневна доза не смее да се надмине. Производот треба да се чува вон дофат на мали деца. Додатокот во исхрана не е надоместок или замена за урамнотежена исхрана. Важно е да се придржувате до урамнотежена и разнолика исхрана и здрав начин на живот.

*Oxford-Durham study: “A Randomized, Controlled Trial of Dietary Supplementation With Fatty Acids in Children With Developmental Coordination Disorder”; Alexandra J. Richardson and Paul Montgomery: Pediatrics 2005.